როლები
როდესაც ორგანიზაცია OMO Voice-ში ამუშავებს საკუთარი მომხმარებლების სატელეფონო მონაცემებს, ორგანიზაცია ჩვეულებრივ განსაზღვრავს მიზანსა და საშუალებებს, ხოლო OMO Voice მოქმედებს მისი დოკუმენტირებული ინსტრუქციით. ანგარიშის, ბილინგისა და საკუთარი უსაფრთხოების მონაცემებისთვის OMO Voice შეიძლება დამოუკიდებელი კონტროლერი იყოს.
დამუშავების საგანი
- სატელეფონო სესიის მიღება და წარმართვა
- აუდიოს ტექსტად გარდაქმნა და პასუხის სინთეზი
- flow-ის მდგომარეობისა და ბიზნესმოქმედების შესრულება
- ჩანაწერის, ტრანსკრიპტის, ტექნიკური მოვლენებისა და შედეგის შენახვა
- მხარდაჭერა, მონიტორინგი, უსაფრთხოება და აღდგენა
დოკუმენტირებული ინსტრუქციები
მოქმედ ინსტრუქციად ითვლება ანგარიშის კონფიგურაცია, აქტიური flow, API მოთხოვნები, შეკვეთა და ხელშეკრულება. უკანონო ან აშკარად შეუსაბამო ინსტრუქციის აღმოჩენისას OMO Voice უფლებამოსილია შეაჩეროს შესრულება და მოითხოვოს დაზუსტება.
ქვე-დამმუშავებლები
მომსახურებისთვის შეიძლება გამოიყენებოდეს ღრუბლოვანი ინფრასტრუქტურის, ტელეფონიის, ხმოვანი AI-ის, ელფოსტის, გადახდისა და მონიტორინგის მომწოდებლები. ისინი იღებენ მხოლოდ საჭირო მონაცემს და ექვემდებარებიან კონფიდენციალურობისა და უსაფრთხოების ვალდებულებებს. კონკრეტული სია ხელმისაწვდომია კონტრაქტის ან მოთხოვნის ფარგლებში.
უსაფრთხოება და ინციდენტი
- მომხმარებლებისა და სამუშაო სივრცეების ლოგიკური გამიჯვნა
- როლებზე დაფუძნებული წვდომა და audit ჩანაწერები
- ტრანსპორტში დაშიფვრა და საიდუმლოებების განცალკევებული შენახვა
- სარეზერვო ასლები და აღდგენის კონტროლირებული პროცედურები
- დადასტურებული ინციდენტისას მომხმარებლის ინფორმირება კანონითა და ხელშეკრულებით განსაზღვრული წესით
დახმარება და წაშლა
OMO Voice გონივრულად ეხმარება კონტროლერს მონაცემთა სუბიექტის მოთხოვნების, უსაფრთხოების შეფასებისა და ინციდენტის დამუშავებაში. მომსახურების დასრულებისას მონაცემი ბრუნდება, იშლება ან ანონიმდება შეთანხმებული ვადით, თუ კანონი უფრო ხანგრძლივ შენახვას არ მოითხოვს.